Disa nga sfidat emergjente të kabinetit Rama 1

Per freskine rinore,per pjesemarrjen e grave,per cilesite morale te kandidatève duket se kjo qeveri nuk do tè kete probleme. Por per shpirtin luftarak dhe aftesitë profesionale duket se do té keté. Mimi kodheli ministre mbrojtje me duket gjetje jo e mire. S’ka pasur asnjè dite angazhime ushtarake ose ne fushén e sigurise,té politikave e strategjive te kètij spektri etj. Une qe jam ushtarak e di miré çdo tè thoté ministér mbrojtje. Siç thoné studjuesit elitaré te ketij posti si p.sh hantington,sarkesian etj.eshte e pamundur té jesh sekretar(minister)mbrojtje pa trajnime specifike ne kete fushe. Ushtria i pérmbledh te gjitha profesionet qe ka krijuar njeriu… A i njeh znj. Mimi ato? Jo. Nuk mund te thuhet se do te keté keshillat e shtabit te pergjithshem. Shtabit te pergj.duhet t’i vesh perpara politika ushtarake profesionale qé té veproje. Eshte ministri pergjegjesi nr.1 i hartimit te politikave ushtarake thote hantingtoni jo shtabi… Por a ka mimi formimin e veçante per ta permbushur kéte detyre? Nuk e besoj dhe per me teper nuk ka asnje lloj trashegimie nga paraardhésit ne ketë funksion! Ata nuk u moren kurre me kété detyrim nr.! Mediu u mor me politiken e vjedhjes se pasurise ushtarake,imami me vjedhje e me zbulim puçesh, te tjeret me perpara pothuajse nuk kane léné gjithashtu asgje. Do kemi raste te tjera per te folur profesionalisht por po e mbyllim me rezervat serioze qe kemi pér pérzgjedhjen e bérë. Ashtu si dhe per até te ilir beqjes si ministër shendetsie! Kishte p.s njerez dhe potenciale mé te mira per ministrine e mbrojtjes,mé té kualifikuar dhe me luftarake per té thénë gjera me peshé ne nato por dhe per ta kundershtuar naton kur nuk pérqaset me realitetin ushtarak e te sigurisé shqiptare. E bén dot mimi këtë ? Si zor?! Eshte nje sentence e vjeter ushtarake qe thote se njohja e ushtrise fillon nga ushtari… Por a e ka bere te paktén ushtrine mimi? Vetem n.q.s financat e mimit quhen ushtri mund tè jemi dakord!!! Nje keshille / do te jeté mire sikur mimi ta filloje me keshillat ushtarake pa pagese te ushtarakeve dhe te shoqatave te tyre. Por duke béré perzgjedhjen e duhur…

BARRA ËSHTË ME TË VËRTETË E RËNDË.
Është me vënd theksimi i vendosjes së disa shinave të forta që të mbajnë trenin e rëndë që të kalojë pa problem. Sigurisht që sfidat e qeverisë janë të shumta dhe të gjitha shumë emergjente.
Mendoj se nuk mund të flasim për gropën financiare, nëse nuk ndalemi së pari në strategjinë ekonomike të zhvillimit të vendit. Sepse vërtetë Berisha ka bërë gabime në raportime shifrash dhe fshehje njëlloj si fqinjët tanë, por këtu kemi të bëjmë dhe me gabime politikash ekonomike. Sepse sado të pretendosh të mbushësh financat, po nuk zbatove një strategji të qartë EKONOMIKE se çfarë degësh të ekonomisë do të zhvillosh me PËRPARËSI, se çfarë politikash do ndjekësh sipas pasurive dhe burimeve natyrore të çdo krahine, se çfarë burimesh njerëzore të kualifikuara ke në dispozicion për të vënë në shfrytëzim këto burime natyrore, atëhere sfida do të mbetet vetëm në letër.
Gabimi madhor që politika në përgjithësi dhe në veçanti ajo berishiane ka bërë gjithë këto vite, ka qenë shkëputja totale e vendit nga PRODHIMI. Nuk mbahet ekonomia e një vendi as vetëm me tregti, as vetëm me sipërmarrje, po nuk pati në themel të saj PRODHIMIN. Dhe prodhimi në Shqipëri dalngadalë po zhduket si “nocion” , me përjashtim të sektorit privat, sepse vendin ia ka zënë tregtia, ndërtimi, turizmi,. Por nga ana tjetër Shqipëria është një vend kaq i pasur me burime mbi dhe nën tokësore, saqë mosshfrytëzimi, mospërpunimi dhe mosprodhimi i nënprodukteve deri në mosshitjen si produkte të gatshme por thjesht si lëndë të para të papërpunuara, i humb buxhetit të shtetit shuma kolosale. Në vartësi nga kjo politikë Prioritare prodhuese, do të hapeshin dhe krijoheshin vende të reja dhe të përhershme pune, nën kujdesin e shtetit dhe jo të firmave koncesionare fantazma, të cilat vijnë shfrytëzojnë lëndët e para pa asnjë plan dhe pa iu dhimbsur asgjë sepse janë në tokë të huaj, duke mos pyetur fare për punëtorët që i trajtojnë si skllevër me mëditje dhe në fund me xhepat plot, një ditë të bukur zhduken nga vendi. Dhe çfarë na mbetet ne si Shqipëri? Na mbeti ndonjë investim madhor dhe strategjik që ta shfrytëzojmë pas largimit të koncensioneve? Deri tani asgjë! Shikoni kromin dhe mineralet e tjera se si janë katandisur. Theksojmë këtu dhe katandinë e Mjedisit dhe terrenit pas këtyre shfrytëzimeve, si “Vënde dhe Popuj”. Mendoni për një sekondë të vetme, se si do ishte trajtuar kjo pasuri natyrore sikur ta trashëgonin vende psh. si Zvicra! Si do e tregtonin ata kromin, si produkt të gatshëm pasi të kalonte të gjitha fazat e përpunimit, pasurimit dhe shitjes me leverdi apo thjesht do ua bënin “peshqesh” koncensioneve siç ka bërë politika shqiptare gjithë këto vite, pas 90’ e kam fjalën. Sepse para 90’ ekzistonin minierat me kushte funksionale pune. Ekzistonte kontigjenti i inxhinjerëve të afirmuar e me specializime përkatëse që i bënin hyzmetin siç duhej. Ekzistonte dhe metalurgjiku që bënte përpunimin, pasurimin dhe realizohej shitja e mineralit të pasuruar. Vlera e shitjes ishte disa herë më e lartë se e lëndës së parë.
Po lënda drusore, si trajtohet vallë në shqipëri si mall pa zot? Po sektori energjitik, me gjithë këtë pasuri ujore që do mund të prodhonte e të shiste pa problem fare? Po Bujqësia që mund të prodhojë dhe eksportojë produkte nga më “bio” që ekzistojnë në këtë rruzull, sepse është vetë toka që e prodhon shijen origjinale, por që nuk ka politika mbështetëse dhe inkurajuese për zhvillimin strategjik të prodhimit bujqësor?
Natyrisht gjithë këto kohë ne kemi dëgjuar nga berishianët vetëm “IRONI GLOBALISTE” se kushdo që mendon për pasurinë dhe prodhimin kombëtar qenka “ANTIGLOBALIST”!
Përsa i takon DREJTËSISË, kjo është fusha ku sigurisht pritshmëritë tona janë dhe më imediate, sepse këtu është dhe “themra e Hakilit” në Shqipërinë post- komuniste. Sa do presim akoma që Ligji të vendoset në Sistem?! Po su bë kjo, është e kotë që flasim për të tjerat si më lart e më poshtë! Sepse Baza e një shteti është binomi LIGJ+EKONOMI.
Arsimi dhe niveli i arsimtarëve? Këtu ka aq shumë për të folur. Së pari fillon lufta kundër analfabetizmit të arsimtarëve pastaj kalojmë tek nxënësit. Më tej, Universitetet private, janë aq të shumta sa nuk dihet se si i mbulojnë nevojat e tyre financiare. Mjafton të përmendin vetëm një fakt, se shumë prej tyre në Tiranë, kanë paaftësi paguese për trupën pedagogjike. Pra ka pedagogë dhe me tituj, që nuk marrin rrogat që prej 1 viti e më shumë. Atëhere, ky “Globalizmi berishian” kaq i “Suksesshëm” si e shpjegon këtë fakt? Sepse llogjika e thjeshtë ekonomike thotë që kur nuk ke mundësi pagese për një vit, ti e mbyll aktivitetin sepse ke falimentuar!
Sigurisht sfidë shumë e rënfësishme është dhe zhvillimi URBAN dhe Turizmi. Por as kjo nuk bëhet me IRONITË alla berishiane, se planet dhe projektet persepktive të zhvillimit 5-10-15-20-25-30 vjeçare, qenkan “metoda marksiste dhe enveriane”! Kjo është injoranca më e madhe që mund të shprehet nga një politikan injorant dhe fodull! Planet e zhvillimit perspektiv jo vetëm URBANISTIK dhe TURISTIK, janë nga më të rëndësishmet në zhvillimin strategjik të një vendi. Asnjë shtet në botë, qoftë dhe në Afrikë, nuk drejtohet pa plane-perspektive strategjike! E pra Shqipëria berishiane ka punuar sot për nesër! Të flemë sot dhe të gdhihemi njëherë, se nesër vjen GLOBALIZMI tek dera dhe na mëson se çfarë të bëjmë! Nuk ka mungesë më të madhe formimi dhe përgjegjësie për një politikan që pretendon ta çojë vendin në Evropë. Le të na përmendi një vend evropian kryeministri në ikje, që vepron pa një plan perspektiv 50-60 vjeçar! E pra, sot për nesër nuk drejtohet as shtëpia me katër pjestarë, jo më një shtet me 3 milion banorë brenda, plus ata jashtë, që nuk e dimë sa janë me rregjistër themeltar të pas 90’. Sepse para 90’ çdo njeri që banonte në territorin e Republikës së Shqipërisë, figuronte i rregjistruar aty ku banonte.
Po të ndalemi tek Ministria e Brendshme dhe vendosja e rendit dhe qetësisë për qytetarët. Çfarë kemi parë gjithë këto vite? Ku është siguria që kemi ne si qytetarë nga vetë punonjësi i rendit, pa le më nga keqbërësit apo kriminelët? A mund ta lësh rendin dhe sigurinë e brendshme të një vendi, në dorë të njerëzve të korruptuar dhe të përfshirë në afera mafjoze e kriminale? Çfarë nderi i paske bërë vendit në këtë mënyrë?
Po në fushën e shëndetsisë, si mund të pretendohet rritja e mirëqënies së një popullate kur ajo nuk mund të sigurojë as nivelin më minimal profilaktik të popullit të vet? Si mund të pretendosh se je politikan e “burrë shteti” për më tepër kur je dhe mjek dhe nuk ke asnjë preokupim se si të ngresh në SISTEM shërbimin dhe kontrollin profilaktik të të gjithë popullsisë, ndaj disa sëmundjeve ku mund të bëhen dhe vaksinime në rang kombëtar siç bëhej në shumë raste para viteve 90’? Apo “GLOBALIZMI” i përjashtoka metodat humane nga strategjia e një vendi dhe na importon metoda sa më “PËRJASHTUESE” për qytetarët që nuk kanë mundësi vet-sigurimi?! “Nëse nje shoqëri nuk ndihmon shumicën e varfër, atëherë ajo nuk mund të sigurojë pakicën e pasur”-Kenedi.
Vetvetiu dalim tek MIRËQËNIA SOCIALE , e cila nuk është vetëm ajo ekonomike por edhe kjo shëndetsore, arsimore, kulturore, integruese. Sepse në rradhë të parë në se shteti nuk siguron një mirëqënie shëndetsore për qytetarin, nuk mund të flasim për MIRËQËNIE të një KOMBI. Po kështu edhe për mirëqënien arsimore, kulturore dhe integruese GJITHPËRFSHIRËSE. Sepse të gjitha janë të lidhura pazgjidhshmërisht dhe përbëjnë kyçin e Nivelit Social të një kombi të qytetëruar. E për rrjedhojë, përbëjnë siguri për të ardhmen e brezave të rinj!
Urojmë që qeveria e Rilindjes, do gjejë forcat dhe rrugët që të ngrihet mbi këmbët e veta dhe të tërheqë të gjithë këtë barrë të rëndë që i la pas, kryeministri i “Sukseseve të Mëdha Globaliste”.