Skizmë në PD? Kot prisni, thotë M.Nano

Kanë qenë deklaratat e forta të Patozit dhe Olldashit për një proces jo-fer të zgjedhjes së kryetarit të PD-së, shoqëruar me reagime të forta të mbështetësve të Bashës që kanë krijuar një klimë mendimesh që përmblidhen në devizën: “PD-ja do çahet”. Por, është e kotë të presësh skizmë në PD, argumenton te Shqip, Mustafa Nano.
Shkruan Nano:
“…Duhet një kauzë për të provokuar një skizmë, duhet pastaj një grup njerëzish që ta përfaqësojnë e t’i dalin zot kësaj kauze, duhet në fund dhe një leader i grupit. Në PD nuk ekziston asnjë kauzë tjetër, përveç “kauzës” së Berishës, asnjë grup skizmatik, dhe asnjë leader që ta udhëheqë këtë grup. Nuk ka se si të ekzistojnë. Aty mund të ketë largime të njërit apo tjetrit për motive e qejfmbetje ngushtësisht personale, por largime të tilla janë të destinuara të jenë të pazëshme e të mos përbëjnë asnjë problem për establishmentin. Arsyeja është e thjeshtë: Berisha i ka lënë (ka bërë çmos që) të gjithë të bëhen pis, qoftë dhe me miratimin që u kanë bërë bëmave të tij deri dhe kriminale.“