Një tjetër protestë është ndezur në Kavajë, teksa në Tiranë zhvillohet protesta kundër tarifës në Rrugën e Kombit.
Protesta zhvillohet për 40 subjektet që operojnë në plazhin e Spillesë. Punonjësit dhe familjarët e tyre protestojnë kundër prishjes së objekteve të tyre të shërbimit në plazhin e Spilles.
Për më tepër subjektet kanë kontrata qiraje me Bashkinë e Rrogozhinës, për shfrytëzimin e hapësirës së plazhit për periudha 3+1 vjeçare, me të drejtë rinovimi.
Përfaqësues të IKMT-së i kanë njoftuar për prishjen e tyre pas nisjes së procedimit penal për kryetarin e bashkisë Beqir Nuredini, i cili është akuzuar për shpërdorim detyre, në lidhje me lejet e dhëna në bregdet.
Protestuesit kërkojnë mbrojtjen e bizneseve të tyre nga shteti në prag të sezonit turistik, ose në rast se bizneset prishen, ata kërkojnë dëmshpërblim.
s.a/dita