Kryetari i Kuvendit të Shqipërisë, Gramoz Ruçi, dhe Kryetari i Grupit Parlamentar Socialist, Taulant Balla, marrin pjesë në Samitin e Kryetarëve të Parlamenteve të Bashkimit Evropian që po organizohet në Talin të Estonisë.
Ruçi dhe Balla kanë filluar takimet me kryetarët e parlamenteve të vendeve anëtare të BE, ku qëllimi kryesor është garantimi i mbështetjes për hapjen e negociatave.
Ky takim i rëndësishëm i Kryetarëve të Parlamenteve të Bashkimit Evropian, si edhe kryetarët e parlamenteve të vendeve që aspirojnë për t’u anëtarësuar, vjen menjëherë pas marrjes nga Komisioni Evropian të rekomandimit për hapjen e negociatave për anëtarësim të Shqipërisë me BE dhe është një mundësi e rëndësishme për të kërkuar mbështetjen e parlamenteve të vendeve anëtare.
Gjithashtu, në fokusin e diskutimeve të saj, takimi do të ketë tematikat si “E ardhmja e Bashkimit Evropian” dhe “Evropa dhe mbrojtja e sigurisë”.
o.j/dita
hahaha Ruci dhe Balla dy fytyrat europiane te PS-se. Vakmedet!