Hahn u drejtohet vendeve skeptike: Hapni negociatat për Shqipërinë

Komisioneri Europian për Zgjerimin, Johannes Hahn, u kërkon anëtarëve skeptikë të Bashkimit Europian të mbështesin hapjen e negociatave të anëtarësimit për Shqipërinë dhe Maqedoninë.

Në një intervistë për të përditshmen gjermane “Stuttgarter Zeitung”, Hahn kërkon që këtyre vendeve t’u jepet shtysë në procesin e integrimit.

“Skepticizmin e kuptoj dhe nuk them gjithashtu se Shqipëria dhe ish-Republika Jugosllave e Maqedonisë janë gati për t’u anëtarësuar. Kryerja e reformave të nevojshme për këtë mund të arrihet gjatë procesit të anëtarësimit”.

Hahn shprehet përkundrejt mbështetjes së Gjermanisë se ka lobuar personalisht në parlamentin gjerman që ky vend të japë aprovimin për negociatat në qershor.

Megjithatë, Komisioneri paralajmëron se nëqoftëse nuk vihen re përparime në kuadrin e drejtësisë, negociatat edhe mund të ndërpriten.

“Për negociatat e anëtarësimit, ne i kushtojmë shumë rëndësi zbatimit të ligjeve, dërgimit me të vërtetë të rasteve të korrupsionit para drejtësisë dhe që “peshqit e mëdhenj” të mos kursehen. Pa përparime në këtë drejtim, negociatat mund t’i ndërpresim”, është shprehur Johannes Hahn.

s.a/dita