UEFA ka publikuar renditjen e re për klubet, klasifikim sipas të cilit do të nisë edhe sezoni 2018-2019.
Juventusi, kampion i Italisë, konfirmohet më i miri mes italianëve, teksa renditet në vendin e 5-të.
Një ngritje me 8 pozicion edhe për Romën, që kap vendin e 13 dhe bëhet skuadra e dytë italiane në renditje.
Nënkampionët e Napolit, edhe pse kanë fituar dy pozicione nga renditja e kaluar, nuk shkojnë më shumë sesa vendi i 14 i klasifikimit, duke mbetur pas Romës.
Ndërkohë, Fiorentina e Lazio vijojnë më poshtë me vendet 34 dhe 39 respektivisht, që të dyja me zbritje.
Rikuperim pozicionesh mes të poshtmëve ka shënuar Interi, që shkon në vendin e 72-të, por edhe Torino në vendin e 80, gjithsesi ngjitje e papërfillshme.
Milani i shpenzimeve të mëdha dhe halleve edhe më të mëdha, zbret në pikiatë me 33 pozicione, duke u renditur në vendin e 86.
Sa i përket renditjes, Reali i Madridit vijon kryesimin, i ndjekur tashmë nga Bayern Munchen dhe Barcelona, që kanë rikuperuar përkundrejt Atletico Madrid, në vendin e katërt.
Në dhjetëshen e më të mirëve janë edhe Sevilla, Paris SG, Manchester City, Arsenal dhe Porto.
Renditja e re e UEFA-s për klubet
- Real Madrid 127
- Bayern München 108 +1
- Barcelona 108 +2
- Atlético Madrid 140 -4
- Juventus 103
- Sevilla 91
- Paris Saint-Germain 84
- Manchester City 81
- Arsenal 75
- Porto 70 +1
- Shakhtar Donetsk 81 +4
a.s/dita