Zonja e Parë e SHBA-së, Melania Trump është shfaqur për herë të parë në publik pas operacionit që bëri tre javë më parë. Ajo ka qenë në eventin për veteranët ushtarakë të mbajtur në Shtëpinë e Bardhë ditën e hënë. Melania ka qenë së bashku me Presidentin Donald Trump në këtë ngjarje.
Melania nuk ishte parë në publik që prej 10 Majit, kur iu nënshtrua operacionit në veshka.. 48-vjeçarja u shtrua në spital për pesë ditë dhe operacioni u konsiderua një ndërhyrje e suksesshme dhe pa ndërlikime.
Por mos dalja e saj në publik gjatë kësaj periudhe, bëri që në media të nisnin thashethemet për shëndetin dhe martesën e saj. Të dielën, zëdhënësja e Zonjës së Parë konfirmoi se Melania nuk do të shoqërojë Presidentin Trump në samitin e G7 në Kanada gjatë kësaj jave.
“Këtë mbrëmje @Potus (profili zyrtar i presidentit) dhe unë jemi të nderuar që po kujtojmë heronjtë tanë të rënë në luftë”, – ka shkruar Melania në “Twitter”
Tonight @POTUS & I were honored to pay tribute to our fallen heroes. Thank you to the Gold Star families that joined us in celebration & remembrance. pic.twitter.com/6oSh1t88G7
— Melania Trump (@FLOTUS) June 5, 2018
l.h/ dita