Të shtëna me armë zjarri janë regjistruar mbrëmjen e sotme para Drejtorisë së Policisë në qytetin e Gjirokastrës dhe dy persona kanë mbetur të plagosur.
Dy personat e plagosur janë Valentin Buci (36 vjeç) dhe Xhelo Gërveshi (52 vjeç) nga Lazarati.
Raportohet se pas një konflikti të çastit, një 40-vjeçar me inicialet K. Ll, banues në Gjirokastër, ka plagosur me armë zjarri tip pistoletë shtetasit e sipërpërmendur.
Ende nuk dihet shkaku i konfliktit mes tyre, ndërkohë që, policia e mbërritur në vendngjarje po punon për zbardhjen e plotë të motiveve dhe rrethanave të ngjarjes.
s.a/dita