Një punonjës policie i komisariatit të Cërrikut është plagosur pasditen e kësaj të shtune pas një aksidenti të rëndë me makinë.
Ngjarja ka ndodhur në aksin rrugor Gostime-Gramsh, pranë fshatit Banje.
Polici Dritan Meçaj ka qenë duke udhëtuar me makinë, kur ka humbur kontrollin e makinës, e cila ka dalë nga rruga duke u përmbysur.
Më pas, automjeti është përfshirë nga flakët ndërsa punonjësi i policisë është dërguar në spitalin e Elbasanit.
Sipas njoftimeve paraprake, mësohet se Meçaj ndodhet jashtë rrezikut për jetën.
s.a/dita