Presidenti i Bayernit të Mynihut, Uli Hoeness mban qëndrim të prerë në lidhje me të ardhmen e afërt të Robert Lewandowskit.
Sipas numrit 1 të klubit bavarez nuk ka asnjë shans që sulmuesi polak të largohet nga kampionët e Bundesligës.
“Lewandowski në merkato për 200 milionë euro? Ky lajm nuk ka asnjë bazë, është i pakuptimtë. Ne nuk kemi ndërmend ta shesim Lewandowskin këtë verë. Sikurse e kemi theksuar disa herë, ai do të vazhdojë të luajë te Bayerni.”
Ndër klubet e interesuara për Lewandkowskin spikatin Reali i Madridit dhe Chelsea.
Në fakt, ka qenë vetë menaxheri i futbollistit, Pini Zahavi, që rriti pritshmëritë në publik për shitjen e mundshme të klientit të tij nga Bayerni.
“Robert ka nevojë për një ndryshim dhe një sfidë të re në jetën e tij dhe drejtuesit e Bayernit e dinë këtë.”
Kundërpërgjigjja e Hoenessit ishte e shpejtë dhe e vendosur: Lewandowski do të vazhdojë të jetë sulmuesi kryesor i bavarezëve nën urdhrat e trajnerit të ri, Niko Kovac.
a.s/dita