Masat për kontrollet ndaj sigurisë ushqimore në vend duket se janë shtuar me nisjen e sezonit turistik.
Autoriteti Kombëtar i Ushqimit Sarandë ka bllokuar në vendin e quajtur “Manastir”, që ndodhet në rrugën nacionale Sarandë-Ksamil, një sasi prej 86 kg peshk, i cili ishte i pashoqëruar nga dokumentacioni përkatës.
Fatura dhe kuponi tatimor që iu paraqit trupës së inspektorëve të AKU-së rezultuan se ishin fiktive dhe për këtë arsye, subjekti u gjobit me 100.000 lekë.
Sasia e konfiskuar e peshkut ndodhej në automjetin me targë AA 231 EJ dhe inspektorët dyshojnë se ajo ka ardhur kontrabandë nga Greqia.
s.a/dita