Vjedhja e materialeve te hekurit dhe shitja e tyre per skrap nuk njeh me kufinj. Ne qytetin e Fierit tashme vihet re se ka nisur nje grabitje masive e linjes se hekurudhes Fier-Vlore, duke hequr elemente perberes se tyre.
Drejtori i hekurudhes Fier, Mustafa Gashi, ben me dije se gjate diteve te fundit jane vjedhur pllakat lidhese te hekurudhes prane Qafes se Koshovices, duke rrezikuar qe dalja e trenit nga shinat te jete me prezente se kurre.
Fenomeni i grabitjes se elementeve te hekurudhes ka nisur disa muaj me pare, ku persona te papergjegjshem per te siguruar disa te ardhura po behen pjese e shkatterimit te nje pasurie kombetare, madje pa menduar se mund te behen edhe autore te aksidenteve qe mund te ndodhin duke rrezikuar serisozisht jeten e atyre personave qe udhetojne me kete mjet transporti.
Nderkohe nga ana e policise Fier ka nisur hetimi per gjetjen dhe vendosjen para pergjegjesise se autoreve.