Kufiri detar me Greqinë, Rama: Kush flet për tradhti, do turpërohet

Kryeministri Edi Rama dhe komisioneri për Zgjerim Johanes Hahn, në një konferencë të përbashkët për shtyp kanë dhënë sqarime për marrëveshjen e kufirit detar mes Shqipërisë dhe Greqisë.

Kryeministri Rama pati një paralajmërim për të gjithë ata që kanë folur për tradhti

“Kur rezultatet të bëhen të qarta për të gjithë kushdo që akuzon për tradhëti nga të dyja palët do të turpërohet nga opinioni publik”, tha Rama.

Ndërsa Hahn ka nënvizuar se “BE s’do të pranojë asnjë shtet tjetër anëtar që ka ende konflikte të pazgjidhura me një prej vendeve fqinj”.

Rama: “Situata siç e shohim ne të gjithë është në progres, nëse të dy palët tradhtojnë vendet e tyre e vërteta është që të dy palët gjejnë zgjidhje në interesat më të mira të popujve të tyre dhe për strategjinë të rëndësishme të fqinjësisë së mirë.

Ne kemi bërë mjaft progres, ka çështje që mbulojnë 70 vite histori, nga ligji i luftës te polemika e përcaktimit të kufijve detarë, këto janë çështje të vështira dhe ne po përballemi me to me frymën e hapjes dhe vullnetit të zgjidhjes, s’kemi arritur akoma aty, kemi bërë shumë progres dhe duam të transformojmë këtë dinamikë në ndryshim dramatik për të ardhmen”.

Hahn: “Siç e kemi thënë edhe më parë, në strategjinë e përbashkët, BE s’do të pranojë asnjë shtet tjetër anëtar që ka ende konflikte të pazgjidhura me një prej vendeve fqinj gjë që ka përshpejtuar negociatat në disa vende, si zgjidhja e çështjes së emrit midis Greqisë dhe Maqedonisë.

Ndërsa lidhur me spekulimet e politikanëve grekë se Hahn ka përmendur një ndryshim kufijsh mes dy vendeve, komisionari sqaroi çfarë kishte pasur parasysh: “Preferoj të mos bëj ndonjë koment tjetër, më vjen keq që ka pasur keqkuptime, sepse kjo ka pasur të bëjë me një sqarim për vijën kufitare, asgjë më shumë dhe asgjë më pak dhe nuk është çështje e madhe. Jam i bindur se pas rreth dy javësh gjithçka mund të bëhet.”

a.s/dita