Milan ka fituar miqësoren e parë sezonale, 2-0 ndaj Novara, zhvilluar në Milanello.
Një test pozitiv për të besuarit e trajneri Gattuso, që pasi fituan të drejtën për të luajtur në Europa League, nga vendimi i marrë nga KAS në mesditë, fitoi edhe në fushën e lojës, në saj të dy golave në pjesën e parë.
Golin e parë e shënoi Suso, në minutën e 23-të, me një goditje dënimi të ekzekutuar në mënyrë shembullore.
Tre minuta para fundit të pjesës së parë, kuqezinjtë gjetën golin e dytë me anë të Calabria.
Portieri nuk arriti të bllokojë goditjen e Kessie dhe i dha mundësinë mbrojtësit të shënonte me portën e boshatisur.
Në këtë mënyrë, Milan e nis sezonin me këmbën e mbarë.
a.s/dita