Prokurorët e Sajmir Tahirit po presin të mbijnë provat,se prova s’ka!..

Ka që nuk e dinë,
u’a them unë-or mik,
Sajua ka shtëpinë,
pranë Kopshtit Botanik!.

Shkojnë prokurorët,
çdo ditë-që pa gdhirë,
mbase ndonjë provë,
në Kopësht ka mbirë!.

Dhe ka goxha shpresa,
toka është e mirë,
ndaj edhe afatet,
tri herë i kanë shtyrë!.

Toka është e mirë,
nën syrin e Diellit,
prova në mos mbiftë,
do të bjerë prej qiellit!.

Çështja u pompua,
u bë goxha zhurmë,
po kundër Sajmirit,
s’u gjet asnjë gjurmë!.

S’u gjet asnjë gjurmë,
për ta implikuar,
ama-prokurorët,
janë të betuar!.

Janë të betuar,
pa fund do hetojnë,
në mos gjeçin prova,
një do ta sajojnë!.

E bënë Italinë,
zotrinjtë prokurorë,
njëlloj si të jetë,
rruga Tiranë-Vorë!.

Shpenzime pa fund,
more t’u ngjatë jeta,
bileta avioni,
hotele e dieta!.

Themi ne-u nis,
Kiçua në Kakos,
themi vajti shul,
dhe u kthye lloz!.

Tetëmijë faqe mbushur,
me përgjime plot,
po ja që Sajmiri,
s’implikohet dot!.

Në ditën e parë,
çoç kemi dëgjuar,
dhe që atëherë,
asnjë gërmë
s’është shtuar!.

Duket-socialistët,
aspak s’janë gabuar,
që “kokën e Sajos”,
nuk e kanë dorëzuar!.

Më mirë se at’herë,
po kuptohet sot,
se Ai do rrinte,
në burg fare kot!.

Do futej në burg,
për qejf të halldupit,
se janë prokurorët,
ushtarët e SHQUPIT!.

Afërsisht dy vjet,
kaluan-or qyq,
dhe çështja akoma,
s’është gati për gjyq!.

Tani përfundimi,
saktësisht po dihet,
po s’e dimë-hetimi,
dhe sa kohë do shtyhet!.

Prokurorët-fundin,
s’besoj që ta mbrijnë,
se provat s’janë presh,
që në kopësht mbijnë!

A.DUKA