Kryetari i Kuvendit të Kosovës, Kadri Veseli ka bërë me dije se të martën do të zhvillohet seanca ku do të debatohet “shkëmbimi i territoreve” mes vendit të tij dhe Serbisë.
Pas mbledhjes së Kryesisë së Kuvendit, Veseli u shpreh: “Kemi vepruar, do ta kemi seancën e jashtëzakonshme nesër, komentet politike do i kemi nesër.”
Në këtë seancë pritet të miratohet rezoluta, e cila ia ndalon presidentit Thaçi të bisedojë me Serbinë për shkëmbim territoresh.
Partitë opozitare LDK, Vetëvendosja dhe PSD e kanë dorëzuar kërkesën për mbajtjen e kësaj seance të jashtëzakonshme javën e kaluar.
Tri partitë opozitare e kanë iniciuar mbajtjen e saj, fill pas deklaratave të presidentit për korrigjim të kufijve.
Rezoluta, e cila pritet të prezantohet në këtë seancë, ka vetëm një pikë: “ Askush nuk ka të drejtë ta negociojë dhe cenojë territorin e Kosovës”.
s.a/dita
Shume bukur, aty do te dalin ne shesh politikanet qe duan te jetojne me vete ne shtetin shqiptaro-serb te Kosoves dhe kush eshte per ndarjen e Kosoves me Serbine dhe bashkimit te saj me trungun ame-Shqiperine, Ne rast se fitojne politikanet miq te Serbise, atehere Shqiperia duhet te mos e hape kufirin me Kosoven dhe te shikoje hallet e veta.