Vargjet e Arben Dukës!

Njazua s’na tregoi, kush e kërcënoi!..

Ti ndonjë haber,
nuk na dhe o burrë,
kush të kërcënoi,
s’e mësuam kurrë!

Hë për hë nuk kemi,
një variant të ri,
veç atij që vetes,
i ke shkruar ti!

Po unë krejt besnik,
i kam mbetur bastit,
se Njazua ka shkruar,
kundër Kosovrastit!

Mbeti edhe mbeti,
varianti i vjetër,
se ti nuk na solle,
ndonjë variant tjetër!

Lexove mesazhet,
me surrat të nxirë,
por s’na the një numur,
o “njeri i mirë”!

Po nuk the një numur,
ta dinim dhe ne,
dhe do ishte mbyllur,
gjithë kjo mesele!

Nga ty një përgjigje,
dua që ta kem,
se gjithnjë problemi,
do mbetet problem!

Po ti mund të dalësh,
e të flasësh bruto,
se t’i bënë mesazhet,
me një “skonoshuto”!

Me këtë variant,
Njazo mos u lodh,
vetëm me mesazhet,
skonoshutua s’ndodh!

Një variant nga ty,
e duam o mik,
atë ditë në popull,
përhape panik!

Se ti Njazo nxiri,
je vërtetë figurë,
ndaj askush i qetë,
s’do të jetë kurrë!

Për asnjë s’do ketë,
këtu siguri,
nëse nuk e gjejmë,
kush të trëmbi ty!

Për ty Njazo vllai,
po më ha meraku,
se të kanë shkarkuar,
dhe nga Bashkiaku!

Se na iku Gushti,
Gushti me gjithë vapë,
kush të kërcënoi,
do të pyes prapë!

Do të pyes prapë,
ty o Kosovrast,
se për këtë punë,
kam vënë goxha bast!

Të më rrosh sa malet,
për humor m’u gjënde,
them se i ke çuar,
mesazh vetes tënde.