Një kompani shqiptare, pjesë e panairit ndërkombëtar “Automechanika”

Kappa Oil është e vetmja kompani shqiptare që do të marrë pjesë në panairin ndërkombëtar “Automechanika” në Frankurt, i cili do të zhvillohet në datat 11-15 shtator 2018.

Pjesëmarrja e kësaj kompanie në këtë panair tregon performancën e saj në tregun e lubrifikantëve.

“Ne kemi 26 vjet në treg. Po të marrim kohën që kur është shpikur motorri me djegie të brendshme Kappa Oil ka bërë histori. Një çerekshekulli në tregun e lubrifikantëve. Në këto 26 vite Kappa Oil ka kaluar nga vitet e para të post-komunizmit deri tek vitet e kërkimit të tregjeve ndërkombëtare nga Shqipëria”, tregon Presidenti i Kappa Oil, Krenar Lasko.

Ai thekson se kompania Kappa Oil ishte e para që solli frymën e trajtimit të konceptit dhe kulturës së automjetit në Shqipëri.

Lasko shpjegon se çfarë cilësish duhet të ketë një vaj lubrifikant cilësor, që sipas tij i gëzojnë edhe vajrat lubrifikantë të kompanisë së tij.

“Vaji lubrifikant është baza e një motorri. Duke qenë se është baza, është si ushqimi për njeriun. Ashtu siç ushqejmë një njeri aq fuqi do të ketë. E njëjta gjë ndodh me vajin për motorrin”.

Kappa Oil e mbulon tregun shqiptar në 42% të nevojave e duke qenë kështu, pjesëmarrja në Panairet  Ndërkombëtare më të rëndësishme të botës është një nga sfidat kryesore të punës së Kappa Oil.

“Në 2016-n kemi qenë në Frankfurt. Në 2017-nkemi qenë në Bolonja, dhe veçoria e 2017-s ishte që në hollin ku merrnin pjesë ekspozues nga e gjithë bota, vetëm Kappa Oil kishte tre stenda. Pra në një moment kur asnjë kompani tjetër nga Shqipëria, Kosova, Mali i Zi apo Maqedonia nuk merr pjesë, ne prezantohemi me tre kompani. Kjo është të jesh lider në treg”, shprehet presidenti i kompanisë.

Sot, Kappa Oil është prezente në rreth 25 shtete të botës. Ky emër nuk është më një emër i njohur vetëm në Shqipëri, por në të gjithë tregun europian dhe më gjerë.

“Objektivi i kompanisë është zgjerimi në tregje të reja”, është premtimi që bën Lasko.

s.a/dita