Michel Barnier, negociatori i Bashkimit Evropian për daljen e Britanisë nga blloku, shprehu optimizëm për arritjen e një marrëveshjeje me Britaninë brenda 6-8 javësh.
“Duhet të arrijmë një marrëveshje para fillimit të nëntorit, mendoj se është e mundur”, tha Barnier në një konferencë për mediat.
Brukseli dhe Londra po punojnë për të arritur marrëveshje mbi kushtet e largimit të Britanisë nga BE-ja më 29 mars të vitit 2019.
Dy palët kanë caktuar mesin e tetorit si afat për finalizimin e marrëveshjes.
“Për rreth 85% të marrëveshjes së Brexit-it është rënë dakord”, tha Barnier.
Sipas tij, mbeten ende çështje të mëdha për t’u negociuar, përfshirë këtu çështjen e kufirit irlandez, indikacionet gjeografike, të cilat specifikojnë origjinën e mallrave të caktuara bujqësore dhe rolin e Gjykatës Europiane të Drejtësisë.
l.h/ dita