Autoritetet në Venecia kanë propozuar ndalimin e personave të ulen apo shtrihen në tokë, ndërkohë që qyteti vijon kështu përpjekjet e tij për të penguar ata që disa zyrtarë i quajnë turistë të pasjellshëm.
Propozimi pritet të hidhet në votim në këshillin e qytetit në Tetor edhe pse rrezikon kundërshtitë e këshilltarëve të tjerë nga lëvizja pesë yjet apo të grupeve të aktivistëve. Ka një listë shumë të gjatë të gjërave që janë të ndaluara në Venecia sa që nuk ka mbetur më asgjë për të bërë – thotë një aktivist – do të duheshin madje 5 mijë oficerë policie shtesë që të garantohet respektimi i tyre.
Autoritetet po shqyrtojnë edhe mundësinë e ndalimit të muzikës në barka, që janë mënyra kryesore e transportit për banorët. Njerëzit mund të ndalohen në qytet apo të gjobiten nëse janë të dehur apo nëse notojnë apo fusin edhe këmbët në kanale…Nëse hanë ndonjë gjë nëpër shkallë apo ndërsa po ecin nëpër rrugë, janë po ashtu duke vepruar keq.
M.H/ Dita
Hajde merrni shembull te ne ne Shqiperi, ku cuditerisht e paradoksalisht, ne maje te kalave, gjen te ndertuara ……….restorante, sigurisht me bekimin e te medhenjve politikane. Shembull klasik eshte ndertimi i nje te tilli ne kalane e Petreles, te cilin Erjon Veliaj, pat thene se ate bashke me te gjithe ndertimet e tjera ne keto zona turistike dhe historike do ti shembte (!). Ku eshte premtimi, se bashku me uljen e cmimit te biletave te transportit nderqytetas per linjat e komunave te Tiranes,apo jane flakur nga dritaret e bashkise?