Çfarë kanë qenë Parikët?

Pariku,  gjatë periudhës së feudalizmit (shek. IX-XIV) ishte kategori kryesore e popullsisë fshatare të varur.

Parikët ishin të varur së pari prej shtetit bizantin, të cilit i jepnin detyrime në natyrë, të holla dhe shërbime (renta qendrore).

Me zhvillimin e marrëdhënieve feudale, pjesa më e madhe e rentës që nxirrej nga fshatarët, u shkonte feudalëve të veçantë, përveç taksës së tokës që i përkiste shtetit.

Parikët kishin ekonominë e tyre, punonin me mjetet e veta ngastrat që mbanin nga feudali ose entet fetare e për të cilat u jepnin këtyre detyrimet.

Në shumicën e rasteve këto detyrime arrinin një kuotë më të lartë se një të dhjetën e prodhimit.

Për të ndaluar mosdhënien e detyrimeve, shteti mori masa për t’i regjistruar parikët bashkë me tokën dhe për të ndalur largimin e tyre.

b.m. / dita