Kukësi-Flamurtari, një nga ndeshjet më të rëndësishme të javës së 11-të të Superligës do të ngre siparin ditën e premte në orën 14:00 në stadiumin e “Kamzës”.
Verilindorët janë në pozicionin e tretë në kampionat me 6 fitore një barazim dhe 3 humbje, ndërkohë që fitorja e javës së shkuar me Laçin, i ka dhënë më tepër moral, përveçse një besimi më të madh në ringritjen ku synojnë. Gjithsesi përball Flamurtarit do të jetë një tjetër ndeshje e fortë.
Ndërkohë që skuadra e Flamurtarit ka fituar përballjen e fazës së parë me verilindorët, por kjo nuk do të thotë asgjë për këtë ndeshje kthimi. Veç të tjerave, dënimi i Bathës nga komisioni i disiplinës do të jetë një mungesë e rëndësishme për ekipin e Dajës që gjithsesi beson se me një paraqitje si ndaj Teutës mund të synojnë një rezultat pozitiv.
Ndeshja tjetër e së premtes është përballja mes Teutës dhe Tiranës. Një tjetër ndeshje me objektiv vetëm fitoren për të dyja ekipet pasi barazimi nuk i bën punë askujt, sidomos Tiranës. Bardheblutë nën drejtimin e Aridan Memës në dy ndeshjet e para nuk e kanë provuar ende shijen e fitoren, pasi kanë një humbje e një barazim.
o.j/dita