Një krim në familje ka tronditur sot fshatin Derven të Fushë-Krujës. Një burrë ka vrarë gruan e tij, ndërsa më pas është vetëdorëzuar në polici. Sipas informacioneve të para, Gjin Menga, 52 vjeç, ka vrarë bashkëshorten e tij, Liljanën, 45 vjeçe,brenda në kasollen e bagëtive. Policia ka nisur hetimet për zbardhjen e shkaqeve të ngjarjes. Paraprakisht, dyshohet se motiv ka qenë xhelozia. Gruaja ishte nënë e katër fëmijëve.