Kryeministri Edi Rama ka bërë me dije mëngjesin e sotëm se aksi rrugor Cërrik-Belsh-Kuçovë-Ura Vajgurore që lidh Beratin me Elbasanin ka përfunduar duke krijuar mundësi të reja për bujqësinë, agroturizmin dhe biznesin privat.
Rikonstruksioni i këtij aksi nga një investim i qeverisë me vlerë 892 milionë lekë dhe i zbatuar nga Fondi Shqiptar i Zhvillimit shkurton kohën e udhëtimit drejt Tiranës.
“Mirëmëngjesi dhe me këto pamje të rrugës së re panoramike Cërrik-Belsh-Kuçovë-Ura Vajgurore që i ka dhënë frymëmarrje të re bujqësisë, agroturizmit dhe ekonomisë së banorëve të gjithë kësaj zone të bukur duke e lidhur shumë më shpejt me Tiranën e Beratin, ju uroj një ditë të mbarë”, shkruan Rama në Facebook.
l.h/dita