Miss Nigeria, Obabiyi Aishah Ajibola, ka fituar “Miss Muslimah World 2013” (Miss Bota Myslimane 2013), garën e bukurisë të organizuar nga fondacioni islamik “World Muslimah Foundation” në kryeqytetin e Indonezisë, Xhakarta. Konkursi është i rezervuar ekskluzivisht për vajzat e fesë myslimane, të veshura me rroba tradicionale, ku juria nuk gjykon vetëm aspektin fizik të pjesëmarrëseve, por edhe njohuritë që kanë ato për Kuranin dhe fenë myslimane. Ndonëse është vetëm edicioni i tij i tretë, konkursi lindi si alternativë e Miss Botës, që këtë vit duhej të zhvillohej pikërisht në Xhakarta, por për shkak të protestave të dhunshme të ditëve të kaluara, edicioni u zhvendos në Bali, ku popullsia është kryesisht hinduiste./D.Gjuzi
