Përdorimi i shumtë i kripës, shkakton jo vetëm hipertension dhe sëmundje kardiovaskulare, por konsumon edhe kockat nga brenda. Ky është rezultati paraprak i një studimi të ri në Australi, i cili nëse konfirmohet i jep një prioritet edhe më të lartë luftës kundër varësisë nga ajo.
Shkencëtarët e institutit ”Baker” në Sidnej kanë ushqyer minj laboratorikë për 12 javë me një dietë të pasur me kripë (ekuivalente për njerëzit me 12 gramë kripë në ditë, që është ajo që shumë njerëz konsumojnë) për të parë efektet, përveç hipertensionit.
Ata gjetën se minjtë kishin numër të tepërt të qelizave të bardha të gjakut, të prodhuara nga qelizat burimore në shpretkë. Studiuesit shqyrtuan eshtrat e tyre dhe i gjetën ato të mbushura me vrima.
Qelizat imune, të rritura së tepërmi ndaj niveleve të larta të kripës, kishin gërryer indet e eshtrave.
“Kockat nuk janë të ngurta. Ato fillojnë të prodhojnë shumë rruaza të bardha gjaku, të cilat mund të bllokojnë enët e gjakut dhe të ngrenë presionin e tij’’, u shprehën shkencëtarët.
”Ky proces i injoruar deri më tani mund të shpjegojë pse dieta e kripës së lartë shkakton sulme në zemër”, thotë një prej tyre.
o.j/dita