FOTO: Një “qen shqiptar” dhuratë për Putinin në Beograd dhe çanta e zezë që nuk i ndahet

Vladimir Putin ka zhvilluar një vizitë në Beograd, e cila po diskutohet gjerësisht.

Putin ka folur edhe për çështjen e Kosovës, dhe përsëriti faktin se qëndrimi i Rusisë është i pandryshuar.

“Lëvizje te fundit të Prishtinës, vendimi për taksën dhe krijimi i Ushtrisë së Kosovës, kanë shkaktuar tensione serioze. Qëndrimi i Rusisë për Kosovën është i pandryshuar”-tha Putin.

Ai takoi presidentin serb, Aleksandër Vuçiç dhe krerët më të lartë të shtetit.

Gjatë takimit me Vuçiç, Putin mori si dhuratë edhe një qen Sharri, këlysh tre muajsh, të cilin e pagëzoi me një emër të veçantë: “Pasha”.

Ky lloj qeni njihet si “racë shqiptare” ndaj simbolika e kësaj dhurate po debatohet në rrjete sociale.

Veç episodit të qenit ajo që ra në sy dhe u komentua gjerësisht në Beograd është edhe çanta e zezë që shoqëroi Putin përgjatë gjithë ditës.

Kjo çantë, njihet me emrin “Cheget” dhe aty besohet se ndodhet kontrolli i sistemit të armëve nukleare.

Emrin “Cheget’ kjo çantë e ka marrë nga një mal i Kaukazit që përkthyer në shqip do të thotë “e Zezë”.

Cheget thuhet se ruan komunikimin ndërmjet Putin dhe selisë ku ndodhen armët bërthamore nëse duhet që ato të vihen në funksion.

n.s. / dita