Në Komisionin Parlamentar të Shëndetësisë sot pati debate mes deputetëve opozitarë dhe ministres Ogerta Manastirliu. Në fokus të sulmeve të deputetëve opozitarë ishte koncesioni i check-up, ndërsa ministrja foli për investimet në shëndëtësi.
Komisioni i Shëndetësisë zhvilloi seancë dëgjimore me ministren e Shëndetësisë, Ogerta Manastirliu me rastin e ditës botërore të luftës kundër kancerit. Teksa ministrja Manastirliu po bënte bilancin dhe arritjet e qeverisë në shëndetësi, nuk munguan debatet e ashpra mes saj dhe nëkryetarit të Komisionit, Bardh Spahia për koncesionet e Check Up-it
Deputeti Spahia e akuzoi ministren për mungesë serioziteti për një çështje aq serioze siç është lufta kundër kancerit.
Ministrja e Shëndetësisë, Manastirliu shmangu akuzat e PD-së, duke theksuar se qeveria ka investuar në shëndetësi dhe është shtuar buxheti për të.
Ministrja e shëndetësisë theksoi se prej muajsh nuk ka më mungesë medikamentesh për sëmundjet tumorale, pasi shteti ka garantuar furnizimin e tyre për çdo pacient.
v.l/ Dita