Kryeministri Edi Rama zhvilloi sot një takim me ndihmës Sekretaren e Shtetit për Çështjet e Europës dhe Euroazisë, Victoria Nuland, ku u diskutua mbi marrëdhëniet midis Shqipërisë dhe Shteteve të Bashkuara.
Zonja Nuland, e shoqëruar në takim dhe nga zoti Filip Reeker Zëvendës Ndihmës Sekretar i Shtetit, uroi Kryeministrin Rama për fitoren e thellë në zgjedhjet e 23 qershorit, si dhe suksese në detyrën e re.
Kryeministri Rama e falënderoi zonjën Nuland për mbështetjen e vazhdueshme të Shteteve të Bashkuara të Amerikës ndaj Shqipërisë, si dhe e njohu atë me ecurinë e deritanishme të rrugëtimit të Shqipërisë drejt Bashkimit Europian.
Në të njëjtën kohë, Kryeministri Rama e siguroi zyrtaren e lartë të Departamentit Amerikan të Shtetit për mbështetjen e vazhdueshme që vendi ynë do t’i ofrojë SHBA-ve në luftën e përbashkët kundër terrorizmit dhe promovimin e demokracisë në botë. / ORA
Rilindja do jete nje “spektakel’
nje gjurme e thelle ne historine e Shqiperise