Tiranë-Durrës/ E përplas makina në autostradë, këmbësorja humb jetën

Një aksident ka ndodhur mbrëmjen e sotme në autostradën Tiranë-Durrës, ku ka humbur jetën një grua, identiteti i së cilës nuk bëhet ende i ditur.

Sipas policisë aksidenti ndodhi rreth orës 19:40, ku një mjet me drejtues personin me inicialet D. B., ka aksidentuar me pasojë vdekjen në vend një këmbësore të moshës rreth 35-40 vjeçe.

Nuk bëhen ende të ditura të dhëna të tjera rreth aksidentit, ndërsa policia po kryen veprimet e mëtejshme hetimore me drejtuesin e mjetit.

Njoftimi i ploicisë:

Tiranë/Informacion paraprak

Rreth orës ‪19:40 në autostradën “Tiranë-Durrës”, mjeti me drejtues shtetasin D. B., ka aksidentuar me pasojë vdekjen në vend një këmbësore ende të paidentifikuar, të moshës rreth 35-40 vjeçe.

Me drejtuesin e mjetit po kryhen veprimet e mëtejshme hetimore dhe proceduriale.

v.l/ Dita