Shpërthimi i vullkanit Merapi në ishullin Java është intensifikuar kohën e fundit duke hedhur hi dhe tym deri në 1 200 metra lartësi.
Zyrtarët theksuan se “qytetarët, tani për tani janë në zonë të sigurt”.
Mali Merapi gjendet rreth 30 kilometra nga qendra e qytetit Yogyakarta në ishullin e populluar të Javas. Në rrethin prej dhjetë kilometrash rreth vullkanit jetojnë thuajse 250 000 persona.
Shpërthimi i fundit i madh i Merapit ndodhi në vitin 2010, kur humbën jetën 347 persona.
Arkipelagu indonezian ku jetojnë më shumë se 250 milionë njerëz gjendet në Unazën e Zjarrtë të Paqësorit dhe është i prirë për tërmete dhe shpërthime të vullkaneve.
Zyra qeveritare sizmologjike indoneziane monitoron më shumë se 130 vullkane aktive.
o.j/dita