Tabaku: Bujqësia në ditën më të keqe

Ish- deputetja e Partisë Demokratike Jorida Tabaku ka bërë me dije se 150 mln euro do të shkojnë për mbështetje direkte për fermerët dhe investimet në bujqësi.

Me anë të një postimi në rrjetin social Facebook Tabaku shprehet se bujqësia është në ditën më të keqe.

Postimi i plotë

Dje me VKM qeveria uli fondet për mbështjen ndaj Bujqësisë në nivelin më të ulët të 30 viteve të fundit. Askush nuk dha llogari se përse ky vendim uli në 3,5 milionë Euro shumën që buxheti i shtetit do të ketë tanimë.

Kjo ulje vazhdon të dëmtojë bujqësinë dhe është anormale. Përveç abuzimeve me shpërndarjen e subvencioneve, përveç faktit që asgjë nuk shkon sot të fermerët individuale.

Sot, 50% të popullsisë që jeton me bujqësinë dhe që mbajnë 20% të PBB i hiqet çdo mbështetje me fonde publike.

Ky ndryshim i shpejtë dhe i pajustifikuar vjen nën panikun e mbajtjes së PPP-ve, mungesa e të ardhurave në buxhet ku vetëm në Janar të ardhurat janë 3,5 % më pak se plani detyrojnë qeverinë të ulë mbështetjen për fermerin.

Partia Demokratike ka një plan për Bujqësinë ku 150 milionë euro do shkojnë në mbështetje direkte për fermerin, mbështetje për prodhimim, për punësimin e investime në infrastrukturë. Nuk mundet Shqipëria e bekuara e zotit, me njerëz të ndershëm e punëtorë të marrë produktet bujqësore nga vendet fqinjë!

Me 16 Mars fermerët do protestojnë që produktet e tyre të mos hidhen më rrugëve.

b.b/dita