Të shtëna me armë te ‘Tirana e Re’, mbetet i vdekur Jurgen Kurti

Një ngjarje e rëndë ka ndodhur pranë  Tiranës së Re.

Ngjarja ka ndodhur rreth orës 22:00. Viktima është Jurgen Kurti.

Autorët kanë përfituar nga errësira duke u larguar nga vendi i ngjarjes.

Ndërkohë ambulanca dhe forca të shumta policie  kanë mbërritur në vendin e ngjarjes.

Janë ngritur pika kontrolli në kryeqytet, për të bërë të mundur identifikim dhe kapjen e autorit/ve.

“Rreth orës 22:20, në rrugën “Zef Jubani”, në rrethana ende të paqarta  është vrarë me armë zjarri shtetasi J. K., rreth 26 vjeç. Grupi hetimor po punon për zbardhjen e rrethanave të ngjarjes, identifikimin dhe kapjen e autorit/ve” – njofton policia.

Jurgen Kurti ishte jo pak i njohur për opinionin publik.

I riu vrau në prill të vitit 2016, u arrestua për vrasjen e babait të tij, për të cilën fajtor u shpall daja. Por nuk kaluan shumë kohë, para se i riu të përfshihej në një tjetër akt kriminal.

Ai u arrestua në prill të vitit 2017, për vrasjen e pronarit të një picerie në Durrës, Agim Arapit, ngjarje e ndodhur më 11 prill të atij viti.

Ai u arrestua së bashku me vjehrrin e tij, Konstadin Ekonomi dhe vëllanë e këtij të fundit, Kujtim Ekonomi, krim i cili ndodhi për motive pronësie.

v.l/ Dita