Reagon Aleanca: Rama s’guxon të ndërmarrë asnjë hap kundër Teatrit

Pas deklaratës së kryeministrit Edi Rama se “Teatri Kombëtar do të shembet” ka reaguar Aleanca për Mbrojtjen e Teatrit.

Kjo e fundit, në një deklaratë për mediat të postuar në faqen zyrtare në rrjetin social shkruan se sot kryeministri Edi Rama “kërcënoi se do të shembte jo vetëm Teatrin Kombëtar, por edhe Bibliotekën Kombëtare, Muzeun Kombëtar, si dhe Teatrin e Kukullave e njohur edhe si godina e parlamentit të parë shqiptar”.

Pjesë nga deklarata për media:

Sot Kryeministri Edi Rama arriti një nivel të ri urrejtje ndaj trashëgimisë, artit dhe kulturës së Tiranës dhe Shqipërisë.

Ai ka mbi 20 vjet që flet për një qytet të ri policentrik, e ndërkohë vazhdon të betonizojë çdo skutë të mbetur të qytetit ekzistues.

Siç e dimë mirë nga rasti i Teatrit Kombëtar, zoti Rama thjesht kërkon të përfitojë sa më shumë truall të vlefshëm për ndërtuesit pranë tij, mundësisht në zonat qendrore të qytetit.

Nuk e ka problem të shkatërrojë çdo lloj godine historike, të krijojë një kaos të frikshëm urban, të shkaktojë humbje të pasurive publike, apo të grabisë truall duke thyer edhe ligjet dhe Kushtetutën e vendit.

Aleanca për Mbrojtjen e Teatrit është e bindur që ai nuk do guxojë të ndërmarrë asnjë hap kundra Teatrit ashtu siç nuk ka guxuar deri më sot. Jemi të bindur pasi e kemi të qartë që e drejta është nga ana jonë.

Por ne nuk mund të mbrojmë çdo truall dhe godinë të qytetit. Për këtë duhet ndihma dhe kontributi i të gjithëve, qytetarëve, medieve, opozitës, dhe përdoruesve të çdo godine të rrezikuar. Të gjithë së bashku mund dhe duhet ta ndalojmë këtë gjenocid urban që po rrezikon të ardhmen e këtij qyteti.

Për këtë arsye, qytetarë të Tiranës, ju kërkojmë të jeni ju sot mbrojtësit e të ardhmes së këtij qyteti. Reagoni për veten dhe familjet tuaja. Opozita duhet të deklarojë qartë dhe haptazi se çdo ndërtues që i afrohet këtyre godinave do mbartë koston për restaurimin e tyre në të ardhmen në gjendjen fillestare dhe se asnjë tjetërsim trualli nuk do të njihet.

 

 

 

 

 

 

 

 

 

 

 

 

 

 

 

 

 

 

 

 

“Qeveria nuk do të tërhiqet nga ligji që miratoi në fund të vitit 2018 ku uli kompensimin e tatimit mbi vlerën e shtuar për fermerët nga 20 në 6%”

Kështu është shprehur drejtori i Politikave Fiskale në Ministrinë e Financave, Niko Lera. Ai sqaron se “në momentin që imputet në bujqësi: farat, fidanët, plehrat kimikë dhe pesticidet u përjashtuan nga TVSH-ja është e palogjikshme rimbursimi i kësaj takse nga ana e shtetit. Ai thotë se kompensimi 6% u la për disa kosto të tjera që kanë fermerët dhe paguajnë këtë taksë si nafta apo energjia elektrike”

“Në fund të vitit 2018 parlamenti bëri 0 imputet bujqësore që do të thotë se financimi që jepet për imputet bujqësore nuk ka më sens sepse nuk mund të financosh TVSH-në e një produkti, i cili nuk ngarkohet me TVSH”.

Lera bën me dije se ekspertët e Ministrisë së Financave janë duke punuar për të krijuar një tjetër skemë, e cila do të ndihmojë sektorët më të brishtë në bujqësi, siç është ai i prodhimit të qumështit.

“Në këtë kuadër ne po shikojmë opsionet e tjera që nëse nga të dhënat dhe llogaritjet do të rezultojë që sektori blegtoral preket në fakt dhe ndryshimet ligjore nuk janë neutrale në kostot e tyre, atëherë të shohim skema të tjera financimi në mënyrë që ato para që jep buxheti i shtetit të shkojnë për atë destinacion për të cilat ai i jep”.

 

Prej 3 ditësh agropërpunuesit dhe grumbulluesit e qumështit kanë refuzuar të blejnë lëndë të parë në tregun vendas për shkak të uljes së kompensimit të TVSH-së, ndërsa blegtorët kanë protestuar disa herë duke derdhur qumështin në rrugë.

 

Marrë nga ABC News

 

 

 

 

 

 

 

 

 

 

 

Thatësira që ka prekur Shqipërinë, ka pasur ndikim të rëndësishëm në mjedis. Liqeni i Fierzës pas mungesë së reshjeve duket se po arrin kuotën minimale.

Sipas ABC News, burimet kanë shumë herë më pak ujë ndërsa prurjet e lumenjve që furnizojnë liqenin e Fierzës kanë rënë nën mesataren vjetore të 10 viteve të fundit.

Të dy lumenjtë e mëdhenj që furnizojnë liqenin, Drini i Bardhë dhe Drini i Zi nuk sjellin më shumë se 170 metër kub ujë në sekondë.  Niveli i ujit po zbret çdo ditë dhe pritet të shkojë drejt 255 metra, thënë ndryshe rreth 30 metra ujë më pak se kuota maksimale.

Fierza thuajse është jashtë pune dhe OSHEE po siguron energjinë nga importi i saj. Në te njëjtën periudhe të vitit të kaluar liqeni i Fierzës thuajse ishte në kuotën maksimale të tij.

Jo vetëm mungesa e reshjeve të shiut në këtë fillim pranvere por edhe reshjet e pakta të borës gjatë dimrit janë faktorët e kësaj thatësire të madhe që po ndikon edhe tek fermerët në nisje të sezonit të mbjelljeve pranverore.