Komisioni i Pavarur i Kualifikimit shkel afatet ligjore për zbardhjen e vendimit për Drejtuesen e Prokurorisë së Krimeve të Rënda, Donika Prela. Trupa gjykuese e drejtuar nga Roland Ilia, me relatore Valbona Sanxhaktarin dhe anëtar Olsi Komicin shpalli më 5 shkurt konfirmimin në detyrë të Prelës si dhe njoftoi se vendimi me shkrim do të komunikohej brenda 30 ditëve.
Afati maksimal i zbardhjes, pa llogaritur ditën e njoftimit të vendimit është plotësuar të enjten më 21 mars, por KPK nuk e ka zbardhur ende atë në faqen e vet zyrtare. Afati 30 ditor për Komisionin e Pavarur të Kualifikimit është detyrim ligjor që buron nga pika 7 e nenit 55 të ligjit “Për rivlerësimin kalimtar”.
Donika Prela drejton Prokurorinë e Krimeve të Rënda prej majit të vitit 2018 si e komanduar nga Prokurorja e Përgjithshme e Përkohshme, Arta Marku. Prela është gjithashtu kandidate për Strukturën e Posaçme kundër Korrupsionit dhe Krimit të Organizuar, e njohur ndryshe si SPAK.
Konfirmimi i Prelës kaloi përmes një sërë akuzash publike, kryesisht nga Partia Demokratike e cila e akuzoi atë si të njëanshme. Akuzat publike të deputetit të PD-së, Enkelejd Alibeaj e detyruan KPK-në që ta shtynte njoftimin e vendimit nga data 29 janar më 5 shkurt.
Prela po ashtu pati një seancë dëgjimore jo të lehtë. Ajo u përball me pikëpyetje mbi të ardhurat e bashkëshortit dhe transaksionet me pasuritë e paluajtshme në seancën dëgjimore me Komisionin e Pavarur të Kualifikimit më 22 janar. Prela u mbrojt duke dorëzuar në Komision dokumente shtesë mbi të ardhurat familjare.
Drejtuesja e Prokurorisë së Krimeve të Rënda, Donika Prela replikoi edhe me vëzhguesin e ONM-së, Theo Jacobs, i cili ngriti dyshime për mospagimin e taksave nga bashkëshorti për një pjesë të të ardhurave. Jacobs e krahasoi dosjen e saj të vetingut me shijen e keqe të një ilaçi të kapërdirë pa ujë në mëngjes, por që kalon në kohën e drekës.
Prokurorja Prela u përgjigj se ajo dhe bashkëshorti i saj kishin jetuar në Shqipëri dhe jo në ndonjë vend të BE-së, ku marrëdhëniet e punës fillojnë dhe mbarojnë në mënyrë të ligjshme. “Bashkëshorti im ka nënshkruar një kontratë dhe i është përmbajtur detyrimeve të saj. Legjislacioni shqiptar ngarkon me përgjegjësi punëdhënësin për detyrimet dhe nuk ka asnjë dispozitë që tregon se tatimi në burim mund të paguhet në mënyrë vullnetare,” tha Prela.
Drejtuesja e Prokurorisë së Krimeve të Rënda u ngarkua me barrën e provës edhe për burimet financiare të një të afërmi të bashkëshortit, i cili u kishte dhënë 15 mijë euro hua për blerjen e një apartamenti në vitin 2007 si dhe dha sqarime mbi denoncimin e një qytetari lidhur me apartamentin ku banon aktualisht, i blerë për 110 mijë euro në vitin 2018.
Pas komandimit të saj në Prokurorinë e Krimeve të Rënda, Prela ka qenë disa herë në qendër të sulmeve kryesisht nga opozita që e akuzon për pengim apo mbyllje të hetimeve ndaj zyrtarëve dhe ish-zyrtarëve të lartë të shumicës qeverisëse./BIRN
o.j/dita
Po, nje i aferm i familjes i dhuron 15 mije euro per te blere apartment.
Si te gjithe te afermit e gjykatesve dhe prokuroreve.
Vetem ata kane kete vetine e cudicme ti bejne te “afermit” tju dhurojne apartmente.
KryePiSi ka mbledhur hajdutet per te luftuar krimin.
Shteti me i ndyre me bote
Si tha kjo drane , jemi ne shqiperi ketu ,nuk paguen taksat ,e eshte normale ,sjemi ne europe . E cmendi ate hollandezin qe mbikqyr kete proces . Shifeni ne surrat ,palere kjo do jete edhe ne SPAK si prokurore neser . E tmershme cfare niveli medioker.Ne prokurorine e Durrsit kjo ka bee matrapazlliqe ,kur ka punuar ne kete qytet. Hapini letrat dhe do habiteni..Do jete turp po ta kaloje kjo vettingun , qe kur permend i kam mare borxh keto 15 Eurot .Na felliqet o komision i vettingut.
Dranja eshte buce e regjur. Ku kane turp keta..Keta do bejne dhe Vettingun edhe zgjedhjen e SPAK. Dore hajdutesh e kriminelesh se bashku ne lufte kunder krimit.
Teater qe u kushton shqiptareve miliona euro shtese..
Po si ka mundesi hahahhahhaah ka kapur Rama Drogaxhiun per koqesh me Dosjet hahhahahahah
Mos u ankoni ,kjo nuk eshte maloke se nuk eshte e SHQUP-it por e rilindjes,kete nuk e ka sjelle Berisha por Rama,pra ben diference.
Ama qy ishte vettingun aq shumë i propaganduar!!! Pijini Engin shokë bashkë me karvanin rilindjot.