Kam qenë një socialist i flaktë!

Si unë janë shumë të paktë,
jo sepse jam Duka Arben,
kam qene një socialist i flaktë,
jo veç me penë por dhe terren!.

Ne ishim brezi heroik,
u ndeshëm me Salin’ e Parë,
nuk ishim shumë- po s’kishim frikë,
dhe plagë ahere kemi marrë!.

Mërziten ca se Kryetarin,
tani së fundi po e ngas,
po tjetër pozicion do marrin,
nëse do kthenin kokën pas!

Kemi marr’ pjesë në çdo betejë,
edhe gjithnjë në rresht të parë,
është e pamundur të gënjejë,
një si unë – kryeluftëtar!.

Në Maj të 96-tës,
kam qenë një komisioner,
dhe atë ditë ma ka vënë,
armën në kokë një turi derr!.

Kur morëm lajmin nga Partia,
për të braktisur krejt votimin,
qentë e ndyrë të Berishës,
të iknim s’donin të na linin!.

Kur deputetë e deputete,
hynë në grevën e urisë,
direkt me urdhër të Gramozit,
isha Zëdhënësi i Partisë.

Neve na mbanin të rrethuar,
na kërcënonin fare hapur,
nëse do dilje nga rrethimi,
absolutisht ishe i kapur!.

Një ditë kur dola fare pak,
SHIKU tentoi të më rrëmbente,
nëse do mund të më rrëmbenin,
vdekje e sigurt do më gjente!.

Njerëzit në palcë qenë frikësuar,
dhe nga selia qenë larguar,
s’ishim më shumë se dy dyzina,
neve që kishim rezistuar!.

Juve të rinjtë e PS-së,
këto ndodhira s’mund t’i dini,
po luftën tonë-thelbin e gjësë,
ua tregon Musa Ulqini!.

As Rama nuk i di këto,
se atëherë qe në Paris,
po ishim ne që rezistuam,
gjersa e shporrëm Salën pis!.

Ndaj mos u revoltoni hiç,
se dhe kritikë do ketë këtu,
edhe Partinë Socialiste,
e dua unë më shumë se Ju!.

Këtu unë jam një gazetar,
ku vetëm të vërtetën shkruaj,
edhe kushdo që del në shteg,
pa diskutim që do ta gjuaj!.

As dhe në mëndje mos e çoni,
se mercenar do bëhem sot,
këtu-përveç Albi Dabullës,
tjetër njeri nuk njoh për Zot!.

Se është ai që më paguan,
të gjithë punën edhe mundin,
dhe është e sigurt se tek “Dita”,
do jetë stacioni im i fundit!.

Dhe ka idiotë që më thonë,
se Arta Dade ka ndikuar,
Artën e kam mike të shtrenjtë,
po kam gjashtë vjet pa e takuar!.

Edhe pronarin që përmenda,
i kam harruar dhe fytyrën,
se për arsye të shëndetit,
ka vite që s’i di as zyrën!.

Dhe Thanua shefi kryesor,
në punën time s’ndërhyn kurrë,
s’thotë këtij bjeri me pambuk,
e këtij tjetrit bjeri me gurë!.

Unë di të orientohem vetë,
i shoh zagarët si përleshen,
ndaj edhe jam kaq i vërtetë,
pas kokës di t’ua vë qeleshen!.

Kjo është e njëjta histori,
që më ka ndjekur pas gjithë jetën,
mos u mërzisni miqtë e mi,
ne shkruajmë vetëm të vërtetën!

Po unë këtu nuk jam i vetmi,
tek “Dita” unë nuk jam mbreti,
nga ditë e parë kemi Entelën,
është Erioni dhe Xhevdeti!

Nuk është Partia kjo e fundit,
se me të parën nuk ngjan fare,
në kohën e Servet Pëllumbi,
ne shkruam faqe legjendare!

Ne prapë votojmë Socialisten,
edhe pse Rama na ka “zbuar”,
juve që shkuat mbrapa nesh,
rrugën e gjetët krejt të shtruar!.

A.DUKA