Speciet po zhduken 114 herë më shpejt se më parë.
Sipas shkencëtarëve nga universitetet Princeton, Stanford dhe Berkeley, kjo normë e zhdukjes së specieve nuk është parë që nga epoka e dinozaurëve rreth 66 milionë vjet më parë.
Paul Ehrlich nga Universiteti Stanford, që me zhdukjet merret që nga viti 1980, thotë se “nuk ka dyshim se po futemi në zhdukjen e gjashtë masive”, që do përfshijë sipas tij edhe njerëzit padyshim.
Raporti i shkencëtarëve të këtyre universiteteve ka hasur në kritika të shkencëtarëve tjerë që vlerësojnë se këta po i zmadhojnë gjërat.
Por, ekipi nuk lëshon pe.
“Nëse lejojmë që kjo të vazhdojë, jetës do t’i duhen miliona vite që të shërohet, por soji jonë do të vdes – sipas të gjitha gjasave në një fazë të hershme. Ne po e këputim degën ku jemi ulur”, shton Gerardo Ceballos.
Që nga viti 1900, raporti thotë se mbi 400 specie të kurrizorëve janë zhdukur.
Kjo humbje, në rrethana normale duhet të ndodhte në 10 mijë vite. E kjo, sipas raportit të publikuar në revistën “Science Advances”, ndodh për shkak të ndryshimit të klimës, ndotjes dhe shpyllëzimit.
Ekipi i shkencëtarëve thotë se “norma mesatare e humbjes së llojeve të kurrizorëve gjatë 100 viteve të fundit është 114 herë më e lartë seç do të duhej të ishte pa aktivitetin negativ njerëzor”.
n.s. / dita