ERDHA NGA PD-JA , MË BËNI DREJTOR!

Fjalët vënë në titull

Nuk janë fantazi

Janë realitet

Që ngjall neveri.

 

Nuk e kemi ngenë

Që të bëjmë gallatë

Këto poshtërsira

Ngjallin indinjatë.

 

Se gjithmonë kur kalit

Nis i bien thonjtë

Dihet kush vrapon

Që t’i heqë patkonjtë

 

Ata që kanë nisur

Këtë lojë të pistë

Dje përdorën drurin

Përmbi socialistë.

 

Këta që kanë nisur

Këtë lojë bajate

Në mitingjet tona

Gjuanin me domate.

 

Ata që sot majtas

I kërkojnë  stimujt

Dje në mes të ditës

Na digjnin flamujt.

 

Na u bë “i majtë “
Dhe ky lloj biçimi

Kur PD i vinte

N’komision votimi.

 

Po na majtizohen

Këta puthadorë

Kur PD i mbajti

Si dash me këmborë.

 

Na qënka i majtë

Ky miell me hime

Kur PD s’u preku

As edhe një qime.

 

Ata që kërkojnë

PS  t’i gradojë

Gjer dje fort na shanin

Të gjithë me një gojë.

 

Dhe pas çdo të share

Rritej histerizmi

Thonin me t’gajasur:

“Farë komunizmi”

 

Qeshen, hangarrisen

Dhe janë me humor

Erdha nga PD-ja

Më bëni drejtor.

 

Se për ju votova

Për herë të parë

Ndaj një drejtori

Më takon  ta marr.

 

I mbajti PD-ja

Si veshka mes dhjamit

Duan nga PS-ja

Pjesën e Luanit.

 

Dhe heshtin të majtët

Të mirët  pa hile

Që tetë vjet e pritën

Një dritëz jeshile.

 

Brehen ndënë vete

Edh tundin kokën

20 vjet pa punë

Por s’e drodhën votën.

 

Rrinë edhe dëgjojnë

Sytë u bëjnë xixa

Mos shkon në përrua

Një mal sakrifica?!