Gjendet i vdekur një i ri në Qytet Studenti

Një i ri është gjetur i vdekur pasditen e kësaj të mërkure në Tiranë.

Viktima, është gjetur në një apartament në Qytet Studenti.

Nuk dihen ende shkaqet e vdekjes së të riut, ndërsa paraprakisht dyshohet se viktima i identifikuar si Fation T. ka humbur jetën si pasojë e konsumimit të lëndëve narkotike.

Policia, autoambulanca dhe një zjarrfikëse kanë shkuar në vendngjarje për të bërë të mundur nxjerrjen e trupit nga apartamenti.

Ndërkohë policia dhe grupi hetimor po punojnë për zbardhjen e plotë të shkaqeve të kësaj ngjarje.

b.b/dita