Gjatë stinës së verës, në Japoni mund të gjenden disa akullore që qëndrojnë të ngrira edhe nën të nxehtin përvëlues.
Një kompani në Kanazawa ka përdorur fuqinë e luleshtrydheve për të krijuar akulloren që nuk shkrihet në nxehtësinë e verës: Kanazawa Ice.
Gjithçka ka filluar si një ide se çfarë mund të behej me luleshtrydhet jo të pëlqyeshme estetikisht dhe që nuk mund të shiteshin me pamjen që kishin.
Qëndra e Hulumtimit dhe Zhvillimit Biotherapy, pas shumë tentativash arriti t’i shfrytëzonte frutat për të krijuar një pastë të ëmbël, e cila nuk shkrin nën efektin e nxehtësisë.
Kompania filloi marketingun e saj në fillim të prillit dhe akullorja fillimisht u shit në dyqanin Kanazawa, siç mban dhe emrin.
Por çfarë e bën këtë ëmbëlsirë rezistente ndaj të nxehtit?
Sekreti qëndron tek Polifenoli, një përbërje kimike që ngadalëson ndarjen e ujit dhe yndyrës, gjë që çon në ruajtjen e formës origjinale të pastës. Kjo përbërje e lengshme nxirret nga luleshtrydhet.
Akulloret e ngrira vijnë në forma dhe shije të ndryshme.
Nësë një akullore e zakonshme do të shkrihej menjëherë, Kanazawa ruan formën për më shumë kohë teksa ekspozohet ndaj nxehtësisë së diellit.
j.l./ dita