Kuvendi miraton ndryshimet në projektligjin për mbetjet

Ka nisur votimi për projektligjet, miratohen ndryshimet në projektligjin për mbetjet.

****

Kryeministri Rama i bëri thirrje opozitës që të marrë pjesë në diskutimin dhe miratimin e aktit normativ për ligjin e “Nëpunësit civil” dhe t’i shërbejë konsensusit për ta bërë deri në fund ligjin të zbatueshëm.

“Duke e garantuar opoziten e vendit qe kjo shumice eshte ketu per te mos perseritur asnje faj, gabim, e vije sjelljeje ne vazhden e sjellejs se vjeter dhe duke shprehur vullnetin e plote per te vazhduar te dialogojme me te gjitha pjeset e opozites pa asnje perjashtim, mbetemi ne dispozicion edhe ne ditet ne vijim e ne nje afat te arsyeshem per disa dite me vone per te gjetur rrugen e arsyes e te konsensusit. I kemi te gjitha forcat numerike per te garantuar ate konsensus qe Kushtetuta parashikon, por kemi gjithe vullnetin para se te perdorim kete force te kerkojme deri ne sekonden e fundit mirekuptimin dhe mbeshtetjen e opozites ne funksion te mbarevajtjes se shtetit dhe nepunesve, qe votimi te jete shprehje e ketij mirekuptimi” tha Rama

***

Kuvendi i Shqipërisë vazhdon diskutimet në seancën e sotme plenare për një sërë projektligjesh që janë shqyrtuar dhe janë miratuar më parë nga komisonet parlamentare. E pranishme në sallë është vetëm mazhoranca.
Seanca po zhvillohet pa praninë e deputetëve të opozitës së djathtë, të cilët kundërshtojnë aktin normativ të qeverisë për shtyrjen me 6 muaj të zbatimit të ligjit “Për nëpunësin civil”.

Bëhet fjalë për 3 projektligje dhe tre projektvendime, ku më të rëndësishmet janë projektligji për importin e mbetjeve dhe projektvendimi për anëtarin e KLD-së Sokol Çomo.

Projektligji për importin e mbetjeve u miratua disa ditë më parë në komisionet parlamentare vetëm me votat e mazhorancës pasi opozita nuk ishte e pranishme.

Pr/ligji i miratuar nga kryeministri Rama në mbledhjen e parë të qeverisë, në 18 shtator, ndalon importin e mbetjeve.

Ndërsa kandidatura e Sokol Çomos mori vetëm  votat e mazhorancës në komisionin e ligjeve.

28 deputetë të mazhorancës dorëzuan në Kuvend propozimin për Sokol Çomon si anëtar të KLD, në vend të Neshat Fanës të cilit i ka përfunduar mandati.

Sokol Çomo, vite më parë ka mbajtur postin e kryetarit të Gjykatës së Shkallës së Parë të Tiranës.

Ai ka qënë gjyqtar, dhe në nivelet drejtuese të gjykatave për të arritur në postin e zv.ministrit të Drejtësisë. Pas largimit të socialistëve nga pushteti ai ka ushtruar funksionin e avokatit.

Në rend të ditës:

Projektligji “Për disa ndryshime në ligjin nr. 10463, datë 22.9.2011,  “Për menaxhimin e integruar të mbetjeve”, të ndryshuar”.

Projektligji “Për masat kundër financimit të terrorizmit”.

Projektligji “Për sigurinë në tunelet rrugore”.

Projektvendim “Për zgjedhjen e kryetarit të Bordit të Komisionerëve   të Entit Rregullator të Energjisë”. (propozim i Ekipit Përzgjedhës)

Projektvendim “Për zgjedhjen e anëtarit të Këshillit të Lartë të  Drejtësisë, z. Sokol Çomo”. (propozim i Kuvendit)

Projektvendim “Për shqyrtimin dhe miratimin me procedurë të  përshpejtuar të projektligjit “Për miratimin e marrëveshjes për  kryerjen e shërbimit të auditimit të borxhit të ministrive kundrejt  biznesit vendas dhe të huaj”.

(vijon)