Tre persona janë arrestuar në Fier, dy po hetohen në gjendje të lirë dhe njëri është shpallur në kërkim, pasi gjatë kontrollit të një banese u gjetën nga kontrolli dhe u sekuestruan rreth 1,4 kg heroinë dhe 1 kg kokainë në kuadër të operacionit të koduar “Shënjestra”.
Të arrestuarit janë; I. T. 47-vjeç, i dënuar më parë për grabitje me dhunë, djali i tij G. T. 22-vjeç dhe kunata T. T. 51-vjeçe, banues në Bishanak. Gjithashtu u shpall në kërkim dhe po punohet për kapjen e Z. T. 55-vjeç, i dyshuar si bashkëpunëtor, ndërsa dy persona të tjerë po hetohen në gjendje të lirë.
Një pjesë e heroinës ishte e ndarë në doza të vogla gati për shitje. Gjithashtu gjatë operacionit u sekuestrua dhe 1 armë gjahu pa leje.
o.j/dita