Një ngjarje e rëndë ka ndodhur të premten pasdreke në Virginia Beach, ku 12 persona kanë gjetur vdekjen me armë zjarri ndërsa 4 të tjerë janë plagosur, 3 prej të cilëve në gjendje të rëndë.
Faji i vetëm i këtyre personave ishte se u ndodhën në vendin e tyre të punës, në ndërtesën 2 të bashkisë, dhe kështu u gjenden përballë një agresori jashtë kontrollit, në momëntin e gabuar.
Agresori quhej DeWayne Craddock dhe ishte një inxhinier i pakënaqur, që kishte punuar për shërbimet publike të qytetit për rreth 15 vjet. Craddock i ka kryer vrasjet me një pistoletë dhe të gjithë viktimat e tij, përveç njërit janë punonjës të shërbimeve bashkiake. Ai i goditur ata rastësisht.
I dyshuari u vra pas një beteje relativisht të gjatë me armë zjarri me policinë. Policia deklaroi se 45-vjeçari që kreu vrasjen nuk kishte të dhëna të rënda penale.
Ndërsa hetimet vazhdojnë, dyshohet se Craddok kishte pakënaqësi ndaj kolegëve dhe kjo mund të jetë arsyeja e këtyre vrasjeve, bën me dije Dita duke iu referuar mediave ndërkombëtare.
e.ll./dita