Nis “protesta e shpresës” me fishekzjarre dhe me tymuese

Edhe për këtë protestë të shtatë kombëtare Partia Demokratike i ka kërkuar policisë që të lejojë një marshim protestë nga ora 19:00 deri në orën 00:00, ndërsa policia i ka kthyer një shkresë zyrtare ku lejon protestën vetëm para godinës së Kryeministrisë tek bulevardi “Dëshmoret e Kombit” dhe deri në orën 21:00.

Bëhet me dije se si në në protestat e mëparshme, në dispozicion të policisë do të jenë edhe makina të zjarrfikëseve, ambulancat, kamerat e sigurisë për të vrojtuar ecurinë e protestës dhe incidente të mundshme gjatë saj, si dhe autobotet specialë të policisë, që lëshojnë ujë dhe gaz për shpërndarjen e turmës.

Protesta para Kryeministrisë ka filluar dhe ndryshe nga sa pritej nga skenografia e tullumbaceve të bardha, yjeve europiane dhe shiritave të aktivistëve të FRDP+së,  në shesh nuk ka munguar tymi i fishekzjarreve dhe tymueseve.

Vihen re se bashkë me flamujt kombëtarë, protestuesit kanë në duar flamuj të shteteve të BE-së, flamuj amerikanë dhe pankartat “E duam Shqipërinë si gjithë Europa”.

e.ll./dita