Kush i frymëzon akoma këto marrëzira?!

Nga Lulashi i roitur,

s’ka asgjë për t’u çuditur,

mund të thotë çdo marrëzi,

dhe mos mbajë përgjegjësi!

 

Për kryetarët që dogjën,

paskan vendosur  këllirat,

që në Dymbëdhjetë Gusht,

të mos i lërojnë zyrat!

 

Këta janë të paparë,

njerëzit kot i ngatërrojnë,

se kryetarët do dalin,

sado që të rezistojnë!

 

Nuk e di-e nuk e di,

pse i gënjen mëndja zgjyrat,

se vetëm në Shqipëri,

mund të mbahen me forcë zyrat!

 

Ta zëmë se rezistojnë,

Voltana-apo Xhelali,

Qeveria u pret fondet,

dhe s’bëhet kurrfarë skandali!

 

Katër moskutjerët tanë,

ëndërrojnë prapë tani,

të shkojë Rama dhe t’i nxjerri,

për bythësh me polici!

 

Përplasja që ëndërrojnë,

s’do ndodhi as kësaj here,

se dihet-që Qeveria,

e kap lepurin me qerre!

 

Mos i gënje njerëzit kot,

more Luli shkretëtira,

për të nxjerrë Voltën nga zyra,

ka njëmijë e një mënyra!

 

Bëtë protesta pa fund,

po bazën thjesht e mashtruat,

jo që s’e rrëzuat Ramën,

po më shumë e forcuat!

 

Që nga data një korrik,

opozita s’ndërroi faqe,

se nga foltoret e SHQUPIT,

s’ka asnjë sinjal për paqe!

 

Po vazhdon me lojëra fjalësh,

opozita jonë trime,

vazhdon me datën Tridhjetë,

qenë zgjedhje-a votime?!

 

Ju patët axhendën tuaj,

dhe në tjetër rrugë u nisët,

qofshin zgjedhje-a votime,

ju të dyja i braktisët!

 

Po ç’borxh populli u ka,

që s’ja ndatë këto sherre,

porsi zogu në hava,

do të shkoni kësaj here!

 

Populli është plot me halle,

dhe akoma s’u’a ka ngenë,

shumë shpejt dhe më besnikët,

do t’ju varin teneqenë!

 

Dhe mua m’u sosën fjalët,

tani nuk di më ç’t’u them,

gjeni një mënyrë të butë,

të rihyni në sistem!

A.Duka