Kërkohet shkarkimi, sot seanca për Xhezair Zaganjorin në KPA

Do të zhvillohet sot në Kolegjin e Posaçëm të Apelimit seanca për kreun e Gjykatës së Lartë  Xhezair Zaganjorin.

Komisioneri Publik, me rekomandim të Operacionit Ndërkombëtar të Monitorimit kërkon shkarkimin nga detyra të Zaganjorit.

Seanca do të nisë në orën 09:30 dhe do të zhvillohet pa praninë e kamerave.

Ai u konfirmua në detyrë në korrik të 2018-ës nga Komisioni i Pavarur i Kualifikimit, por vendimi është kundërshtuar në Kolegjin e Posaçëm të Apelimit. Sipas Komisionerit Publik, Zaganjori nuk arrin një nivel të besueshëm në vlerësimin e pasurisë.

Komisioneri Publik, Florian Ballhysa vlerësoi se sa i përket shkaqeve të ankimit, nuk rezulton të ketë ndryshuar asnjë rrethanë. Ai vlerëson se të gjitha shkaqet e ankimit duhet të merren në shqyrtim.

Në lidhje me 23 provat e paraqitura nga subjekti i rivlerësimit, KP sqaron se për 4 pasuritë e patundshme në Tiranë, subjekti ka paraqitur deklaratë noteriale të 4 bashkëpronarëve dhe bashkëshortëve të tyre ku deklarohet fakti se 4 çifte kanë kontribuar në ndërtimin e godinës.

Bazuar në këtë deklaratë dhe të ardhurat nga qiraja e “British Counsil” pretendohet se janë paguar tek M.H. në një bankë në Selanik nga 1997 -2003 dhe se detyrimet janë paguar prej saj.

KP shton se, “Zonja M.H. nën tagrat e përfaqësimit ka nënshkruar një kontratë për ndërtimin karabina të godinës në 1996-1997.

Pagesa do bëhej me lekë në dorë.

Subjekti nuk ka paraqitur dokumentacion për vlerën e godinës, vlerën e paguar, kohën e zgjatjes dhe aftësinë e të ardhurave në atë periudhë.

Lidhur me shkakun e ankimit për pamjaftueshmeri financiare, për KP mbeten të paprovuara të ardhurat e përfituara nga një projekt në Gjermani.

j.l./ dita