Unaza e Re, tetë kompani në tenderin e ri, mes tyre Gener 2

Janë tetë kompani në garë për lotin e anuluar të Unazës së Re, që përfshin edhe rrethrrotullimin e “Shqiponjës”.

Burime nga Autoriteti Rrugor bëjnë të ditur se janë hapur zarfat me oferta ekonomike nga tetë subjekte nga Komisioni i Vlerësimit të Ofertave pranë këtij institucioni.

Ka rezultuar se shifrat e ofruara kanë qenë midis 14 dhe 18 milionë euro, sipas gazetës shqiptarja.com.

Pas shqyrtimit të ofertave, Komisioni pritet në ditët në vazhdim të shpallë firmën fituese.

Për rrethrrotullimin e Shqiponjës tenderi u fitua fillimisht nga një kompani fantazmë, e cila kishte mashtruar me dokumentat amerikane.

DH Albania fitoi me ofertën 20 milionë euro, sa ç’ishte edhe fondi limit i parashikuar për atë lot të Unazës së Re.

Gara pas skandalit pritet t’i kursejë taksapaguesve rreth 10 milionë euro në të dy lotet.

Hetimi për skandalin pas të cilit fshihet Gener 2 e Bashkim Ulajt (në foto me KM) ndërkohë duket i ngecur dhe po tentohet heshtja dhe mbulimi.

Rama tha asokohe se skandale të tilla “ndodhin në gjithë botën”.

Ndërkohë duket qesharake, por Gener 2 merr pjesë edhe në këtë garë të re.

“Kanë qenë kompani shumë të njohura në fushën e ndërtimit që kanë paraqitur ofertat e tyre, si Salillari, Vëllezërit Hysa, 2T, Gjoka, Curri dhe Gener 2. Sipas të njejtave burime, kompania Alb Building ka paraqitur si ofertë shifrën më të ulët me 14 milionë euro” – shkruan shqiptarja.com afër qeverisë.

e.t./dita