Senati amerikan ka miratuar propozimin për emërimin e Kelly Craft si ambasadorja e re e SHBA në OKB.
Craft është ish ambasadorja e Shteteve të Bashkuara në Kanada. Ajo bashkë me bashkëshortin e saj, Joe Craft, një miliarder, janë donatorë të Partisë Republikane dhe kanë financuar edhe presidentin amerikan, Donald Trump.
Craft njihet edhe si aktiviste e Partisë Republikane nga Kentaki.
Emërimi saj është shoqëruar me një numër ankesash nga demokratët, pasi disa prej tyre e kanë konsideruar Craft si me përvojë të pamjaftueshme për pozicionin e rëndësishëm.
Sidoqoftë, tashmë është zyrtare që Kelly Craft do të zëvendësojë Nikki Haleyn në OKB. Haley pat dhënë dorëheqjen nga ky pozicion në muajin dhjetor të vitit 2018.
e.ll./dita