Policia e Shtetit ka reaguar menjëherë pas denoncimit të selisë blu për vënien e tritolit në banesen e nënkryetarit të Bashkisë së Kamzës, Vendim Demaj.
Uniformat blu kanë përgënnjeshtruar denoncimin e Partisë DemokratikeSipas Policisë, shpërthimi ka ndodhur në pallatin e Demajt, por jo në banesën e nënkryetarit të bashkisë por në një banesë të marrë me qera nga shtetasi me iniciale P.GJ
Mësohet se në momentin e shpërthimit brenda në banesë nuk ka pasur njeri dhe si pasoje ka vetëm dëme materiale.
Ndërkohë grupi hetimor po vijon punën për zbardhjen e rrethaneve të ngjarjes, identifikimin dhe kapjen e autorit.
“Më datë 04.08.2019, rreth orës 23.30, tek kthesa Kamzës në katin e tretë të një pallati, në pjesën e derës së banesës së marrë me qera nga shtetasi P.Gj, ka shpërthyer një sasi e vogël lënde e dyshuar plasëse, ku në momentin e shpërthimit brenda në banesë nuk ka pasur njeri dhe si pasoje ka vetëm dëme materiale.
Grupi hetimor po vijon punën për zbardhjen e rrethaneve të ngjarjes, identifikimin dhe kapjen e autorit.
Metarialet i kanë kaluar Prokurorisë së Rrethit Gjyqësor Tiranë për veprime të mëtejshme, për veprën penale “Shkatërrimi i pronës me eksploziv”, njofton policia.
e.t./dita