Një aksident i rëndë me pasojë vdekjen ka ndodhur ditën e shtunë në Lushnje.
Sipas njoftimeve të policisë, një 69-vjeçar me inicialet M.D., banues në Dushk të Lushnjes është përplasur nga një automjet, tip “Benz” në bulevardin e hyrjes veriore të qytetit.
I moshuari lëvizte me biçikletë kur u përplas nga makina.
Ai është transportuar në Spitalin e Traumës Tiranë në gjendje të rëndë shëndetësore por nuk ka mundur të mbijetojë.
Policia ka shoqëruar në komisariat drejtuesin e mjetit shtetasin S.R., banues në Dushk.
Grupi hetimor po punon për zbardhjen e plotë të ngjarjes.
e.ll./dita